مزیری - بی ورا( MOZIRI- BEYVARA)

سخته که تو عاشق بویی و چیت نوابو

حرفلته بخی وش بزنی ریت نوابو

.

جِلکُلته بیی جاره قدِ عشق بدوزی

پَلپَل بکُنی جون بکِنی سیت نوابو

.

سخته سرِ کیچَش بکشی طومِ خُماری

در واکنه رهشه بره ساقیت نوابو

.

عین مُخه تشنه ی که دفَر کرده و تشباد

پنگت بلووه خارکی وَت تیت نوابو

.

بند بندِ امیدِ بزنی سی دو سه کلّه

کلّه ی تو دلِ دلّه ی باچیت نوابو

.

عین بچه ی آدمی و بینه خدا هم

رکّش بزنه هردفه باپیت نوابو

.

تا که بری آ بو و دسِت کُمتِرِ سلّت

سنگین بکنی باندته قاتیت نوابو

.

ویسی سرِ طو تا نیمه شو پا و پُیِ عشق

سی اومدنش یخ کُنی حالیت نوابو

.

ور خوت بگویی تا نزنُم حرفمِ بلکم

واگرده و موُ اُندفه یاغیت نوابو

.

پنگ سخن از پشتِ کِنه در نره ابرام

تا رِسِّ گپ از بادِ چپی لیت نوابو

.

ابراهیم حیدری