گولل کل عودلا
گولل کل عودلا
🌴🌴🌴🌴🌴🌴🌴
سلام حضرات
شهریور که ویمی
ولات یهویی نصف ویمی
نصفش میرفت تو باغسون
نصفشون ولات
کپر و تمپلی بی که تو باغسون سرپا ویمی
تمپلی چهارتا پایه بی که یا پی سنگ دراز یا تنگ مخ و چو کلفت دار و کویر دولاغه ای مستطیل وار تو زمین میزدن و باز پنوندی ریش تنگ مخ یا چو درختل محکم مینهادن
سته میزدن و پیش مخ ریش پهن میکردن نرم بی مثل تخت که میشاس ریش بشینی و بخوسی
تو فده هم میزدن هم سی مرغ که توره نیرش هم تو باغ که ریش مینشسن
هر باغی یه جاکپری داشت
یعنی بین بندل یه جا زمینی ول میکردن و کپر توش میزدن
چن روز باغسون توش زندی میکردن
همونجو مخ میبریدن و خرما سر جاکپر میرختن زنگل پاکش میکردن
تو بل و بلتک و بعدتر حلب و تاپو میرختنش میوردن ولات
هر کی دوتا بنی مخ هم میدا سی فقیرل و مشخص بی
بعدتر که مخ بریده ویمی زنبیل پر ویمی و پی گاری خری میوردیم ولات
دوتا بنه مخ فقیرل هم بند زنبیل کو پی پیش مخ میبسن که معلوم بو
کار خوم سی کریم اینجو شرو ویمی
تو یه چیش و هم زدنی سر مخ بیدیم پنگه میبردیم د بند و زنبیل نمیبسیم سی محضی که وقت گیر نبو و جلدتر یه بنه مخی بهوریم یکمون سر مخ یکمون تو قد مخ
دس و دس میکردیم پنگه میدادیم حضرات دومنی
پنج نفر شو مخ چین کم دوتیمون بی از بس جلد بیدیم
که باید کمکشون میکردیم تا ومون برسن
یه بند مخی افتو نزده میبریدیم
اوسو خو وسیله هم نبی
بل که پر ویمی
از همونجو پاک کرده اوماده تیرش میکردوم سی کریم ولات میگرفتش
یه چی د هم یادوم ره بگوم
خو هوا گرم بی
باغسون هم پُر جک جونور بی
مار تا دلت میخواس تو باغسون بی
سی کریم جاش نمیگرفت
روزی چهل پنجاه تا مار میگرفت میبردیم دیر ولات دور حوره ولشون میکردیم تا نخوا کسیه بزنن
خدای نکرده
، بشت بارون هم گه شروع ویمی
هنی باغسون جم نوابیده بی
سی محضی که تا مهر هم طول میکشی
که بارون میزه خدا نکنه مخلی هنی نبریده بوهِن
خرماش بدرد داشت د نمیخه
هی قدیم یادت بخیر چقه خش بیدی
ادامه داره....
مهدی اقبال مجرد
معروف و کل عودلا
